АхборИлм ва маорифТоҷикистон

Шаҳрдории Душанбе пешниҳоди кӯчонидани хона-музейи Айниро тасдиқ кард

12:29, имрӯз Муаллиф: Мазҳаб Ҷумъа, Asia-Plus

“Масъала ҳоло ниҳоӣ нашудааст ва он дар марҳилаи омӯзиш қарор дорад”, – мегӯянд дар шаҳрдорӣ.

Шаҳрдории Душанбе хабари кӯчонидани хонамезейи Садриддин Айниро дар пойтахти кишвар тасдиқ намуд, вале гуфт, ҳоло ин масъала ниҳоӣ нашудааст.

“Дар ҳақиқат шаҳрдорӣ ба Академияи милии илмҳои Тоҷикистон барои ба ҷойи муносиб кӯчонидану бунёди хона-музейи наву замонавӣ, ҷавобгӯ ба талаботи муосир пешниҳод ироа намудааст. Вале ин қарор ҳоло ниҳоӣ нашудааст ва он дар марҳилаи омӯзиш қарор дорад”, – гуфт ба “Азия-Плюс” сухангӯи шаҳрдорӣ Ҷамшед Олимзода.

Ба гуфтаи Олимзода, дар сурати вайрон кардани хона-музей низ дар ҷойи он бунёди ягон бинову иншоот пешбинӣ нагардидааст ва хабарҳо дар мавриди дар ин макони сохта шудани меҳмонхона ё бинои таъйиноти дигар асоси воқеӣ надоранд.

Дирӯз, 11 ноябр “Азия-Плюс” аз қавли манбаъи худ хабар дода буд, ки дар Душанбе масъалаи тахриби хона-музейи сардафтари адабиёти муосири тоҷик Садриддин Айнӣ баррасӣ мешавад.

Ба гуфтаи манбаъ, дар бораи тахриби осорхона аз номи муовини аввали раиси шаҳри Душанбе Амирхон Қурбонзода ба Академияи миллии илмҳои Тоҷикистон нома расидааст.

“Дар мактуб гуфта мешавад, осорхона ба нақшаи нави генералии шаҳр мувофиқ набуда, симои зоҳирии гирду атрофро коста мекунад”, – хабар дода буд манбаъ.

Read more: https://www.asiaplustj.info/tj/news/tajikistan/20211112/shardorii-dushanbe-peshniodi-kchonidani-hona-muzeii-ainiro-tasdi-kard

 

Related Articles

Шарҳи Шумо

Нишонаи электронии Шумо нашр нахоҳад шуд. Ҳошияҳои ҳатмӣ ишора шудаанд *